20 days of love in january

Jindgi to sab jeete hai ..hum b jeete chale jaayenge ..

par vo 20 din na kabhi laut k aayenge .

tu jo gyi chod k ruksat kiye saare khwab .. bekhudi me roya dil saari raat..labz me jo bayan kar sakta vo lamha ..

teri baatein teri yaadein ...to suna deta har kisi ko in lamho ka karwan .

1 january ko maine facebook pe baat ki thi...soye nhi sari raat ki thi..

2 january ko tumne dil k darwaje pe dastak di thi..


4 january ko phir se baat hui...dil me mere, unke kreeb jaane ki aas hui..


6 r 7 january ko waqt badla or baatein gehra gyi..

saansein kam thi khwab jyada ..har dhadkan pe tum chaa gyi ..


8 ko dono k dil ki mulakaat hui thi..

kuch kaha nhi ek dusre ko ..phir bhi dil hi dil se baat hui thi.


9 r 10 ko hum ek dusre se

har pal jude rhe , facebook se

whats app tak ki duri tai ki ..ek dusre ka number maang k


11 ko milne ki dil me khawaish  hui..

darr bhi tha kahin  is dil me usi din se ..ki kahin tu meri na  hui ..


12 ko mai delhi phuncha aankhon me chamak thi  . dil me khwaab

 samjh nhi aarha tha jo taqdeer badal gyi hai kaise apne aap.

dil hi dil me tujhe apna bnaya .. palko pe bithaya ,

sanson me chipaya ..


13-14 ko jindgi ne raftaar badhayi ... or jo na soch tha vo khabar sunai ..

mai muskuraya khuda ko dekh k ..dekhi khuda ki khudayi


15- ko phir se tumne ph kiya or kaha ki karlo aankhen num..

vo khwab poora nhi hoga .. jisme jee rhe hai hum..


17 ko jindgi ne mod lia pal bhar ka

   18 ko hum mile cafe coffe pe .

maine to mana tujhe sathi jeven ka .


19 ko tumne sath chod diya ..

lga jaise dhadkan ne saanson se rishta tod diya ..

20 ko mai vo shehar chod aaya .

jahan jise apna samjha usse hi hogya praya .


ye 20 din jindgi k jo tere sang jeeya

kabhi bhool nhi paaounga .

mana ki tumhe apna na kar saka ..

par kuch pal k liye hi sahi .. tere dil me ek kona dhund lia.

mujhe ehsaas hai ki maine ek besh keemti insaan kho diya

khusnseeb the hum bhot, aisa lagta hai jaise ab to taqdeer ne muh mod lia ...




writeen by: kamal deshwal


















 

mujhe maaf karna e-dil

Mujhe maaf karna e-dil

mujhe unse mohhobat hogyi..

socha na ek pal bhi tere baare me

 kaise ye gustaq harkat hogyi

vo to the hi befikar

mujhe anjane me ye shirkat hogyi...

mujhe maaf karna e-dil

mujhe unse mohhobat hogyi 


sabab to milta tha mohoobat ka

par na socha tha ki milega is kadar

thukrayenge vo hume

or hum phirenge use uski talash me dar badar...


usne socha ki muskurate hai hum

unse dur hone ka hume koi gam nhi

dekha nhi kabhi in aankhon me

uski yaad me ye aankhen humesha nam rhi..


beetein lamhe mai yun badal nhi sakta

toote dil ko yun leke sath chal nhi sakta

leke baitha  hun laakh sawaal mai

par khoye hue dil me unka hal nhi milta


ek pal me jeeti hui baazi

gya mai haar

milte milte reh gya mujhe

e-dil mujhe aaf karde yaar

teri ye halat na hoti jo

na baitha hota tujhe haar...



written by: kamal deshwal


 

tanhaiyan bhi hai gujarte waqt
 me badhti dooriyan bhi hai ..
mai samjhta hun teri majbooriyan bhi hai..
tu jo samjhe dil ko mere
 sanson pe bhi tera haq hai
kahe to kar dun pal me hawale tere..
par yun na tadpa
dil ki sun jara dil ke pass aake mere

tanhaio me waqt gujar rha hai
jo chal padi thi jindgi
uska bhi manzar badal rha hai
kya kahun uspe jo hogya pal bhar me
meri aankhon me to sirf tera chehra chal rha hai

pooch to leta laakh sawal tujhse yun jaate hue
par vo b apno se pooche jaate hai tujhse kaise poochun
tune to kar diya begana yun muskurate hue..

tune to ek pal me keh diya ki ab baat nhi karenge
ye nhi btaya - jeeyenge ya marenge
bas 2 labz me tum mujhe chod chale
apno se begana kal chale

samjha to yahi rha hun is mann ko
ki vo tera nhi rha
kaise samjhaun is dil ko jo mera nhi rha

mujhe mohhobat seekha ke tum kis raaah pe chal diye
 mai aaya jo sath to tum hath chod chal diye
chahun to maang lun pal me khuda se tumhe
par us mohhabt ka bhi kya maangna jo mehboob
se nhi maangna khuda se pade

waqt hai bhot mere pass
mai tera intezaar karunga
jo na mila tujhe koi or
mai tujhe yuhin pyar karunga


written by:  kamal deshwal

Mai tujhe kya samjhaoun ,
kitna mai tujhe chahun .
tujhe paake maine muskurana seekha
tu hi nhi to ab kaise muskuraoun,

mai khud garj nhi
tune mujhe jana nhi
tere liye mai aaya jahan chod ke .
kya ab tujhe b  mera sath nibhana nhi ..

vo pal the bhot kam jab maine tujhe yaad na kiya
vo pal the bhot kam jab maine tujhe pyar na kiya
ye waqt ye manjar hai gawah
ki maine tujhe kitna yaad kiya

dur ja rhe ho mujhse
shayd meri hi koi galti rhi hogi.
jo rokun na tujhe jaate ab mai
duniya meri usse dusri galti kahegi

mai nhi samajh pa rha
kya hua hai yahan
or kya hota  hai ja rha
agar khta hui hai mujhse to mujhe maaf karna
dur bhale hi hojao par is dil ko kaise kahoge
ki ab mujhe pyar na karna .

tere intejar mai barso gujarunga
jo tu hai taqdeer meri to
kuch mai b khud ko sudharunga
teri muskurahat pe ye jahan mai warunga


written by :-  kamal deshwal

Tere ishq ne ye kya kar diya ,
khushnaseeb tha tumhe paakar ,
ab uljhano ke mod pe laakar khada kiya ,
toot jaayenge hum jo ab tumhe kho diya .

mod bhi bhot aaye ..
mnzile bhi aayi baar baar .
tumse jo mila mai
ishq ke chorahe pe ..
mai dil baitha haar ...

ajab kashmkash me fase hai dono,
ek dusre ka chahe nibhana sath ,
taqdeer  dikhaye khel nye .
kabhi pakdte to kabhi chodte hath,

andhiyare me bhi teri mohabbat ke
 sahare mai chal pada ..
dekhe chalna hai kitna dur
is rah k ek or mai or dusri or mera humsafar khada

tujhe paane ke liye har muskil raah mai chalunga
raste me nukile ho patthar
ya ho tufan khada .
nhi koi ab rok sake
ab ye aashiq  apni
mohabbat ki khatir nikal padha



written by:- kamal deshwal

kya hai tera faisla e - khuda

lekh like uski kalam se jo
phir to hota wahi jo usne socha ho..

rabba maana tu sabse bada ..
tera likha koi badal nhi sakta..
par lga le jor ho jitna ..
par mere haathon pe likha mere
dildaar ka naam tu mitaa nhi sakta..

tera chalwa ab or nhi rhega..
ab koi aashiq nhi sahega..
ishq ke smundar me duba duba kar
tu leta jaan aashiqo ki ..
pyase hai bechare par phir b
pee nhi sakte jal ek aanjal bhar bhi

aashiq tha mai aashiq hun mai 
jeena mujhe mar mar ke aata nhi
jinki adhhoori hai prem kahani
 unse mera naata nhi.

kyu tune kiya muje usse alag 
chahat ki kahani me likha kab.
jab hone the juda jo
milata rha har baar usse hi kyu.

ab na sunoo ga mai na rukoo ga.
jo teri marji hai...
aaa tu jara saamne aaa 
jo tune sochi hai vo b dikha ...


written by : k.d

uski adayein

ek aashiyaan tha uska bhi mere ghr ke saamne ..
sharmake nazre jhuka ke
bin bole keh jaati thi
kab tum aaoge mera hath thaamne ...



mai subah nikalta tha kaam ko..
vo khidki pe chad aati thi...
bahana hota tha uska koi aur..
par mujhse ankh ladati thi..





treef me labz nhi rehte ..
isliye hum uske liye jyada nhi kehte.
vo muskura de  to hum sare dard bula de
vo jis rah se gujarti thi
 wahan rahgiro ki dhadkne thahar jaati thi.

jis shiddat se rab ne usse banaya hoga
hume lagta hai .. bhot pyar hai humse rab ko
kyunki iske liye to har kisi ne uske dar pe dia jalaaya hoga

bas gyi hai vo mere tan-man me
kajaal base hai jaise nayan me .

mehkhana si aankhen uski
bina peeye hi pyar ka jaam peelaye..
hum rehna chahe honsh me .
or vo hume madhonsh kiye jaaye.

written by : k.d

manzil ka pta

ye jindgi kahan lejaayegi pta nhi.
pooch le manzil ka pta is jindgi se .
kahin hath choot gya to..
musafhir hi bna reh jaayega yahin...

kuch taqdeer se ladte hai..
to kuch taqdeer se darte hai..
tera kya haal hai..
kahan tujhe ye leja ri hai
tujhe ab tak pta nhi

isse pahle mazer dhudla jaaye
aankhon ke saamne se ..
raasta andhere me kho jaaye..
vo dagar pooch le ..
jo manzil tak phunchaye..

jaljale bhot aayenge jindgi me..
abhi shuraat hai ....
jindgi kahan le jaayegi ..
isme bhi ek gehra raaj hai..


ye jindgi kahan lejaayegi pta nhi.
pooch le manzil ka pta is jindgi se .
kahin hath choot gya to..
musafhir hi bna reh jaayega yahin...


written by : k.d

exam of love

exam of love is not a simple thing ...

it can damage the love and living..

though exams are meant to be taken..

no matter whether it is in 

class or it is from the life u live ..

when it come to results your life will be shaken.

you can pass the exam of class..

but the same result in love won't last..

things changes with the time..

life run's with the hands of clock.

you can run faster 

but you can't ask it to get slow..

people test their love..

but nobody can pass every time.

if other will keep chasing with an overcoat and glove..

its a simple feeling .. which leads you 

from ordinary world to heaven..

some get's it from the first one..

unlucky may not get it even from the eleven...

exam of love is not a simple thing..

it can damage the love and living .. 

written by : k.d 

mujhe na jaane kya gum hai .


khud ki nazro se 

khud me kuch  kam hai..

icha bhi hai hajaro.. 

chahte bhi hai

par phir bhi aankhen num hai...

mujhe na jaane kya gum hai...


udna chahta hun                                                

khule aasma me panchiyon ki trah .

khwab bhi dekhta hun

 mehtavkaanshiyon ki trah..

par phir bhi aankhen num hai ..

mujhe na jaane kya gum hai..


kuch shi nahi lagta ..

jaane anjane me pta nhi

 kya galat mai karta..

rehta tanhayi ke bistar par..

dil andhero me khoye khwab hai khojta...

mujhe na jaane kya gum hai ...

jaane kyu meri aankhen num hai....



written by : k.d

ye vo lamhe nhi jo gujar jaayenge..

ye kitabo k panne nhi jo palat jaayenge...

ye to sarai hai musafiro k liye..


aaj tum ruke ho yahan ..

kal ye peeche choot jaayenge..


yaadein dil me basi hongi ..

or lab apne aap muskurayenge .

par na bhulna vo waqt apna.

kyunki ye lamhe  hi kabhi kabhi

aansoun ki raah bhi ban jaayenge...



tufan ki trah uth uth ke aayenge .

dil laakh soche dur rehne ki ..

par is tufan se na bach paayenge .

ye vo lamhe nhi jo gujar jaayenge..

yaad ayenge har lamha ..

neend  bhi na aayegi..

yahi tera aaj yahi tera kal batyenge ..


khwaab hai aaj yahan..

kal ye bhi toot jaayenge..

aasuon se bani hai jindgi..

har gum har khushi me sirf yahi sath nibhayenge


written by : k.d